RAMMY GALIS: WABONGO WANAJUA KUJIONGEZA

• Aikana skendo ya kutoka kimapenzi na msanii mwenzake Nikole

Msanii aliyeitendea haki filamu ya Chausiku aliyocheza na Shamsa Ford, Rammy Galis amekana kutoka kimapenzi na msanii mwenzake Naomi Salakikya ‘Nikole’ na kudai kuwa ni uvumi tu ambao watu wameamua kuusambaza.
Rammy amesema kuwa maneno hayo yalianza kuzungumzwa kutokana na ukaribu waliokuwa nao wakati wanazindua movie ya ‘Red Flag’ zilizopita ambayo walishirikishwa na wasanii kutoka Nigeria.
“Acha watu waongee wanavyojisikia, ukweli ni kwamba Nikole ni mtu wangu wa karibu, kama rafiki yangu, kama dada yangu si mambo ya mapenzi kama watu wanavyodhani, si unajua Wabongo kwa kujiongeza,”alisema Galis.

Please follow and like us:

ALIYOJITABIRIA HAMISA YAMEMTOKEA

• Alitaka kuzaa na mwanaume maarufu ambaye tayari ana mwanamke mwingine

Waswahili husema lisemwalo lipo na kama halipo basi linakuja, hayo yamejidhihirisha kwa mwanamitindo maarufu hapa Bongo Hamisa Mobetto kuzaa na msanii mkubwa Diamond Platnumz ambapo inasemekana alijitabiria hayo katika movie inayoitwa ‘Poor Player’inayotarajiwa kutoka hivi karibuni.

Moja kati ya watu waliopo katika filamu hiyo Seth Bosco amesema kuwa katika movie hiyo Hamisa amecheza kama mwanamke aliyzaa na mwanaume mwenye mwanamke mwingine kisha kumtelekeza kitu ambacho ndio kimemtokea sasa hivi.
“Yaani Mobeto ni kama alijitabiria mapema, maana kabla hajazaa alicheza filamu kama amezaa na mwanaume mwenye mwanamke mwingine kisha akamtelekeza na mtoto kitu ambacho kimemtokea kweli baada ya kuzaa na Mbongo Fleva na kumtelekeza kwa kutotoa matumizi ya mtoto,” alisema Seth.

Please follow and like us:

SOUDY BROWN ATANGAZA KUACHA KAZI YA UMBEA

• Asema bado yupo Moshi anaperuzi lakini bado haamini kama kuna ndoa kati ya Uwoya na Janjaro


Presdent wa Shirika La Wambea Duniani (SHILAWADU), Soudy Brown ametangaza kuacha shughuli ya umbea iwapo atathibitisha kama ni kweli Dogo Janja na Irene Uwoya watakuwa ni kweli wamefunga ndoa.
Kupitia page yake ya Instagram Soudy amesema kuwa haamini kama ni kweli kuna ndoa kati ya wawili hao na kuongeza kuwa ikiwa ni kweli basi atavua mask yake na kuacha umbea lakini ni mapak aone bibi harusi na bwana harusi wakiwa kwenye sherehe yao.

“ Nipo Moshi naperuz naperuz lakini bado siamini kama kweli kuna ndoa kati hawa wapendanao…..mbona hamna picha ya pamoja kati ya Bi Harusi na Bwana Harusi wakiwa kwenye sherehe yao,,, Kingine bado Ndikumana hajatoa talaka, kwa hiyo Dogo Janja ameoaje mke wa mtu?…… Kama wameoana kweli na ukatoka ushahidi taslimu basi mimi nalivua mask, na kazi ya umbea naacha” ameandika Soudy Brown.

Please follow and like us:

MBASHA NA SKENDO YA KUTOKA NA MKE WA MTU

• Adaiwa kumpost katika page yake ya Instagram akimtakia heri ya kuzaliwa na kummwagia sifa kibao

Muimbaji wa nyimbo za Injili hapa Bongo Emmanuel Mbasha ambaye alitengana na mkewe Flora anadaiwa kuwa katika mahusiano ya kimapenzi na mwanamke anayesemekana kuwa ni mke wa mtu.
Skendo hiyo imekuja baada ya hivi karibuni baada ya Mbasha kuonekana akiwa close na mwanamke huyo katika picha ya pamoja ndani ya gari hali iliyosababisha watu kusema kuwa amekuwa na mahusiano na mwanamke huyo kwa siri tangu muda mrefu na kuongeza kuwa katika birthday ya mwanamke huyo Mbasha alimpost na kummwagia sifa kibao.
Licha ya hayo yote Mbasha amekuwa akikataa kuwa hana uhusiano na mwanamke huyo na kusema kuwa ni mtu ambaye anaheshimiana naye tofauti na watu wanavyofikiria na kuongeza kuwa Yule dada tayari ana mume wake.
“Tafadhali sana jamani naomba muwe waungwana, huyo dada tunaheshimiana sana na siwezi kufanya kitu chochote kibaya na ukizingatia mumewe pia tunaheshimiana, nawaheshimu sana hao jamani” alisema Mbasha.

Please follow and like us:

OMARION AKIRI KULIPENDA BARA LA AFRIKA

• Asema Marekani hawaonyeshwi mazuri ya Afrika bali wanaonyeshwa upande wa maskini tu

Msanii kutoka Marekani ambaye amefanya show usiku wa kuamkia leo hapa Bongo, Omarion amekiri kuwa anaipenda Tanzaia na Bara la Afrika kwa ujumla kutokana na uzuri wa asili ambao upo katika nchi nyingi katika bara la Afrika.
Omarion amesemakuwa sio mara yake ya kwanza kuja Tanzania na kusema kuwa Tanzani na Afrika kwa ujumla ni sehemu nzuri ambayo wamarekani wengi weusi hawalijui hilo.
“ Johanesburg, Durban na Tanzania ni kuzuri na ni pazuri kutembelea na kula raha, Marekani hawaonyeshwi mazuri ya Afrika wanaonyeshwa tu upande wa masikini…. Kuwa miongoni mwa wasanii wachache wa Marekani waliopata nafasi ya kufanya kazi na wasanii kama Diamond na wasanii wengine wa Afrika ni upendo” amesema Omarion.

Please follow and like us:

HAMISA APEWA ONYO NA DANUBE

• Ni baada ya kupost video ya tangazo la Danube na kuandika it’s time nije kuchukua hereni zangu

Siku kadhaa zilizopita Hamisa Mobetto alipost video ya tangazo la Danube na kuandika ujumbe uliinyesha kuwa ni kijembe kwenda kwa mpenzi wake Diamond kwani siku za nyuma Zari aliwahi kuzikuta hereni za Hamisa chumbani kwa Diamond.
This time Danube wameamua kumuandikia barua Hamisa wakimtaka aifute video hiyo kwani inaharibu biashara yao na kuchafua jina la kampuni yao na kama hatafanya hivyo basi watamchukulia hatua za kisheria.
Danube wamedai kuwa Hamisa alitumia tangazo lao kwa ajili ya maslahi yake binafsi na kutumia jina la kampuni yao na kuongeza kuwa alipost tangazo hilo katika page yake ya Instagram bila ridhaa yao kitu ambacho ni kinyume na sheria ya kampuni yao.

 

Please follow and like us: